ಭಿಕ್ಷುಕರನ್ನು ಹಿಡಿದುಕೊಟ್ಟರೆ ನಿಮಗೆ ಸಿಗಲಿದೆ 500 ರೂ. ಬಹುಮಾನ

ಭಿಕ್ಷುಕರನ್ನು ಹಿಡಿದುಕೊಟ್ಟರೆ ನಿಮಗೆ ಸಿಗಲಿದೆ 500 ರೂ. ಬಹುಮಾನ

ಹೈದರಾಬಾದ್ ,ನ.14: ಭಿಕ್ಷುಕರನ್ನು ಪತ್ತೆ ಮಾಡಿದ್ರೆ ನಿಮಗೆ 500 ರೂಪಾಯಿ ಬಹುಮಾನ ಸಿಗಲಿದೆ. ನವೆಂಬರ್ 25 ರ ನಂತರ ಹೈದರಾಬಾದ್'ನಲ್ಲಿ  ನೀವು ಭಿಕ್ಷುಕರನ್ನ ಹಿಡದುಕೊಟ್ಟರೆ ನಿಮಗೆ ಸರ್ಕಾರದಿಂದ  500 ರೂಪಾಯಿ ಹಣ ಸಿಗಲಿದೆ.

ನ. 28 ರಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್  ಪುತ್ರಿ ಇವಾಂಕಾ ಟ್ರಂಪ್ ಹೈದರಾಬಾದ್ ಗೆ ಆಗಮಿಸುತ್ತಿದ್ದಾರೆ.  ಈ ಹಿನ್ನೆಲೆಯಲ್ಲಿ ನಗರವನ್ನು ಸಂಪೂರ್ಣವಾಗಿ ಭಿಕ್ಷುಕರಿಂದ ಮುಕ್ತಗೊಳಿಸುವುದು ಸರ್ಕಾರದ ಉದ್ದೇಶವಾಗಿದ್ದು, ಅಕ್ಟೋಬರ್ ವಾರಾಂತ್ಯದಿಂದಲೇ ಭಿಕ್ಷುಕರನ್ನು ಹಿಡಿಯುವ ಕೆಲಸ ಆರಂಭವಾಗಿದ್ದು. ನ. 25 ರ ನಂತರ ರಸ್ತೆ ಬದಿಯಲ್ಲಿ, ಫುಟ್ಪಾತ್, ರೈಲು ನಿಲ್ದಾಣ, ಸೇತುವೆಗಳ ಕೆಳಗೆ ಎಲ್ಲಾದರೂ  ಭಿಕ್ಷುಕರನ್ನು ಕಂಡರೆ ಸಾರ್ವಜನಿಕರು ಮಾಹಿತಿ ನೀಡಬಹುದು.

ಅಂಥವರಿಗೆ 500 ರೂಪಾಯಿ ಸರ್ಕಾರದ ವತಿಯಿಂದ ದೊರೆಯಲಿದೆ. ಈಗಾಗಲೇ  ಸುಮಾರು 200 ಕ್ಕೂ ಹೆಚ್ಚು ಭಿಕ್ಷುಕರನ್ನು ಹಿಡಿದು ಅವರ ಬೆರಳಚ್ಚು ಮತ್ತು ಇತರ ದಾಖಲೆಗಳನ್ನು ಪಡೆದುಕೊಂಡು ಬಿಟ್ಟು ಕಳಿಸಲಾಗಿದೆ. ಮತ್ತೊಮ್ಮೆ ಅವರು ಭಿಕ್ಷೆ ಬೇಡಿದ್ದು ಕಂಡುಬಂದಲ್ಲಿ ಜೈಲಿಗೆ ಹಾಕುವುದಾಗಿ ಸರ್ಕಾರ ಎಚ್ಚರಿಸಿದೆ.